Waxaan dadka Soomaaliyeed, meel kasto oo ay ku sugan yihiin, u rajaynayaa sannad milaadi cusub, 2011, kaas oo aan rajaynayo in uu u keeno nabad, degenaansho, midnimo, nolol, farxad iyo hurumar la sima dadyowga ifkan.

Waxaa beryahan dambe laga dareemayaa magaalo-madaxda Soomaaliya is-beddel yar oo sal adag lahayn, hase yeeshee waxaa lagu han-wayn yahay inuu keeno mid kale oo aad u wayn oo wax-badan ka beddela burburkii dalka lagu hayay muddo 21 sannadood.

Rajada yar ee Muqdisho waxaa sabab u ah sanqarta wax-qabad ka soo yeertay ragga iyo dumarka qurba-joogtada ah oo loo fududeeyay in ay hantaan talada dalka, kuwaasi oo u badan dad wali ku harsan dareen waddanimo, dadnimo iyo islaamnimo. Wax kastoo la sheegaba, dalkani dadkiisu wali way nool yihiin!

Laakiin, waxaa mugdi ku jira baasaboorrada shisheeye ay sitaan iyo xil-qeybsiga qabiilka ku yimid. Waa su’aal u baahan in la is-weydiiyo, sida danta Soomaaliya, danaha dalal kale iyo midda qabiilka daacad loo wada noqon karo. Raggani iyo dumarkani sow marka hore kuma habboona, inta aysan wax xil qaban, inay si cad u celiyaan baasaboorrada shisheeye? Arrinta qabiilka haba iska dambeysee…

Waxaa la oran doonaa in Dastuurka DFKMG ah lagu xusay in jinsiyadda Soomaaliyeed lala heesan karo jinsiyado kala duwan, arrintuna ay tahay mid sharci ah.

Haddaba waxaa iska cad in dowladaha KMG ah aysan ku dhaqaaqi karin wixii beddeli kara, rogi kara ama saameyn kara tiirarka Qaranka, illaa ay dowladdu KMG-nimada ka baxdo, tirakoob kaddibna, afti ummadda Jamhuuriyadda Soomaaliya looga qaado dastuurka la damacsan yahay in dalka lagu dhaqo, lagana qaado 18ka gobollo ee dalku ka kooban yahay.

Waxaana maanta iyo shalayba ka maqlayay idaacadaha in labada mas’uul ugu sarreeyo DFKMG Soomaaliya ku booriyeen dhammeystirka iyo dhaqan-gelinta dastuurka cusub loo sameynayo Soomaaliya. Waa wax lala yaabo in xilligani arrimahaas faraha lala galo, maxaa yeelay dalku haatan wuu kala qoqoban yahay, awoodda DFKMG-kuna ma dhaafsiisna dhowr xaafadood oo ka mid ah magaalo-madaxda, Muqdisho. Waxaan u arkaa dadka ka shaqeynaya hirgelinta dastuurkani cusub kuwo dano gaar ah wato, amaba ka sii daran, dad maankoogu gaaban yahay.

Sannadkan cusub 2011 ee milaadiga ah, walow ay rajadu xoogaa yar fiicanaatay, haddana wuxuu durbaba u keenay ummadda Soomaaliyeed wal-wal iyo jah-wareer, marka la eego arrimaha ku salaysan dastuurkani cusub oo uu taliska DFKMG ka dhex-muujinaya astaamihii Dowladahii KMG ahaa ee ka horreeyay, kuwaas oo lagu bartay dullaanimo, damiir la’aan iyo qandaraas-qaadyo siyaasadeed ama dhaqaale.

Dhanka kale, waxaa la filayaa in arrinta Muqdisho lagu kala bixi doono bilaha soo socda, iyadoo la saadaalin karin cidda ku gacan-sarreyn doonto, taas oo sabab u ah in meel kasto kala qeybsanaani ka jirto, ha noqdaan xubnaha cusub DFKMG dhexdooda ah, kuwii ka tirsanaan jiray Golihii Wasiiradii hore oo ciil la wareegayo, Golaha Ummadda tirada badan ee doolar doonka ah. Tabtaasna waa Shabaabka halganka hubeysan wada oo u haatan u qeybsamay garabyo kala hadaf ah, sidoo kale hogganka Ciidamada Afrikaanka iyo danta Ugaanda oo kala socda, sicir-bararka ku yimid maamul-goboleeyada iskood isku-magacaabay, danaha dowladaha shisheeye xuduud-wadaagga nahay iyo kuwa fog oo awoodda sheegta.

Waa wax iska cad in kala qeybsanaanta mar-walbo ay horseeddo is-qab-qabsi iyo bur-bur, laakiinse mar-marka qaarkood waxay keentaa fursado lagu meel-gaaro haddii ay jirto midnimo, dalkuna leeyahay dowlad daacad u ah, una adeegta dadkeeda.

Iima muuqdaan in fursadahaas maanta jira looga faa’ideysan doono, marba haddii laga yaabo in DFKMG gabbalka ugu dhici doono waqtigii loogu tala galay xulashadii Jabuuti, waxaana intaas dheer in jagada Madaxweynaha ay si deg-deg ah u bannaanaan doonto 31ka bisha Janaayo, 2011.

Xoogagga hubeysan naftooduna ma hayaan wax awood ah oo ay kula wareegaan talada dalka maadaama ay leeyiihin hadafyo kale duwan, una kale jabeen garabyo is-diidan, sida kuwa qaran-doonka ah oo ku biiray ururka Xisbul-Islaam, lana filayo inuu xoojin doono iyo kuwa jihaad-doonka ah xuduudda lahayn oo hortaagan danaha dadka Soomaaliyeed, afkooda iyo dhaqankooduba.

Gabogabo, sannadkani milaadiga cusub 2011, wuxuu u badan yahay in wax is-beddel ah oo la taaban karo u keeni doonin dalkeenna hooyo, Soomaaliya, marka laga reebo rajada yar ka timid qurba-joogtada buuxiyay DFKMG.  Haddaba, fallaartii ay gameen wali cirka ayay ku maqan tahay…waxaana la yiri, “af macaan, gacan macaan baa dhaanta”.

Xasan-Maxamed Saciid “Gacaliye”

By:  Hassan Mohamed Said Samantar (Gacaliye)

The past five days the Somali websites sparked a digital confrontation between nationalists, separatists and all shades of our islamists. The written and verbal confrontation was initiated by some separatists’ websites when they published the news that Israel was on the brink of recognizing the clan based, khat chewing autonomous and Ethiopian dominated North-Western region of Somalia.

To check on the veracity of the above news, I searched the Haaterz daily cited as the source of the news and could not find anything related or pertinent to the news diffused by the separatists.

I then contacted the Israeli Ministry of Foreign Affairs, Africa Department, to request for an official confirmation of the news concerning Mr. Yigal Palmor, The MFA spokes person’s supposed declaration concerning Somalia, but to this date I have not received an answer at all, which makes this matter open for further research.

In the mean time, the originators of the news concerning Mr. Yigal Palmor supposed declarations started an appeal campaign addressed to the Arab and Islamic countries, particularly the Gulf ones, to recognize the separatist entity in the North of the country, otherwise they were going to “loose it out” to Israel.

And finally the Somali Northern-Western separatists struck again digitally with the news of the “proof” of Israel’s unilateral recognition of their enclave, with an insert of a letter from the Israeli Ministry of Foreign Affairs. After checking this new claim, I easily found out that it was a false and a poorly made fabrication.

Unfortunately, many Somali websites just reprinted the above news without any checking, which indicates their lack of professionalism and impartiality,  prompting me to write this short reply article.

Just compare at the bottom of this article the letter from the MFA of  Israel, sent to the Pro-Israel.Org in July 19, 2005 and the one poorly manipulated by the Northern-Western separatists dated Feb 16, 2010 and published today, Feb 18, 2010, and reach your own conclusions.

The supposed MFA signatories are: Mr. Amir Reshef-Gissin, who is current serving as General Consul of Israel in Toronto, Canada and Mr. Amir Sagie, who is currently serving his country as a diplomat in Portugal.

Said this, many Somali nationalist are not “scared” of Israel and would welcome closer ties with that nation once their conflict with their Palestinian cousins is settled in a just and mutually acceptable way.

In the mean time, we encourage Israel to not be part of the Somali conflict and to seek the friendship of the whole Somali nation and openly contribute to its recovery and stabilization.

Sida ay caadadu u tahay, qolodan qabyaaladda ku dhisan oo dibedda laga soo wada xulay, iskuna tilmaamaan in ay yihiin DFKMG Soomaaliya ee sharciga ah, “Beesha Caalamkuna” taageersan, waxay durbada la soo baxeen xeelad kale oo lagu dhaco wixii hanti ah oo ka badbaadday boobkii iyo bililiqaddihii ka socdeen dalka iyo dibeddiisuba.

Fulinta qorshani cusub, oo la filayo in dhowaan lagu dhaqaaqi doono, waxaa si toos ah uga dambeeya ninka kooxdan ugu magacaan Wasiirka Arrimaha Dibedda, walow oo aanan la garaneynin meesha uu kala soo dagay.

Arrinta iibka Saafaaradaha waxay ku beegan tahay sannad kaddib isku-daygii iibkii dhicisoobay ee baddii baaxadda-wayneyd ee konfuurta dalka oo reer DFKMG lacag ugu hibeeyeen Keenya, kaddib markii halkaas laga helay raadka gaaska dabiiciga ah iyo kan batroolkaba.

Waxaan u malaynayaa in Sheekh Shariifka iyo saaxiibaddiisu aysan wali darsi ka qaadanin ceebtii iyo caradii ay kala kulmeen ummadda Soomaaliyeed, maxaa yeelay haatan faraha ayay kula jiraan ceeb kale, taas oo ah iibka dhismayaashii safaaraddihii JDS, qeyb ka mid hantidii dibedda ma-guurtada ahayd ee qaranka.

Sheekh Shariif Sheekh Axmed,  marba hadii uu Madaxweyne sheeganayo, ha caddeeyo in uusan qeyb ka ahayn xatooyadan la malaagayo, hana raaco talooyinkii wanaagsanaayeen oo idaacadaha soo mariyey Agaasimahisii Guud ee WAD oo, runti, muujiyay in uu dalkiisa u naxayo, aadna uga duwan yahay ninka wasiirka isku sheego oo Nayroobi hooy iyo xafiiisba u ah, mararka qaarkoodna warqadahiisa rasmiga ah ay ku saxiixan yihiin “WAD, Nayroobi, Keenya”.

Sumcaddii uu Sheekh Shariif ku laha bulshada Soomaaliyeed isaga iyo saaxibaddisii ayaa ku dheelay, waxaana maanta beddelay shaki aad u ballaaran, gaar ahaan markii arrintii boobka badda uu ka aamusay, haddana uu ku adkeystay in heshiiskaasi qalad laga fahmay, ninkii qorshahaas oo dhan ka dambeeyayna uu wali gacal iyo gacan yare u yahay.

Wax laga yaabo ma aha hab-dhaqanka reeraha “4ta iyo nuska” ah oo sheegta DFKMG. Adduunka wuu ka dheregsan yahay in ay ku heshiiyeen boobka intii yar oo ay ka badbaadday burburkii qaranka. Soomaali oo dhanna way u wada caddaatay in qoladan dowladda sheeganeysa in aysan dooneynin in dalka lugahiisa isku taago.

Waa wax lagu qoslo sababaha loo shaaciyay iibka dhismayaasha iyo xiritaanka safaaradaha Soomaaliya ay ku ledahay Washington (US), Paris (France), Berlin, (Bonn, dhismaha Cabdullaahi Yuusuf ina adeerkii ayaa horay u gatay, F.R. Germany), Dar-Es-Salam (Tanzania), Kampala (Uganda), Abuja (Nigeria), Delhi (India). Sababahaas oo dhan waa been abuur oo wax sal ah lahayn.

Waa marmarsiinyo in Safaaradaha albaabada loo laabayo qarash la’aanta jirta awgeed, maxaa yeelay wax lacag ah oo loo diro baaba jirin, wax culeys ahna kama saarna xaggaas maxaa yeelay DFKMG Sheekh Shariifka mas’uulba kama aha dalka ay sheeganayso.

Haddaba, Soomaali iyo intii kalaba arrimaheenna isha ku hayaan ha ogaadaan in qarashka Safaaradaha soo gala iyaga iska-debbireen, ama ganaacsato ha ka qaadaan, ama baryootan ha kaga helaan UNDP-da (New York), Carabta (Liibiya, Cummaan, Abu-Dhabi, Sacuudiga, Dubaay, Suuriya, etc)…iyo Talyaaniga.

Aqli-gal ma aha, haddiiba doqonnimo ahayn, in dowlad jirin, ama tabarteedu yar tahay oo taageero siyaasadeed iyo mid dhaqaale ay aad ugu baahan tahay in ay iska jarto wixii xiriir ah oo ka dhexeeyay dalalka awoodda badan ama kuwa awooda dhexe, gaar ahaan markii dhulka dalalkaas qaranku ku leeyahay hanti-maguuraan ah oo wax ijaar ah laga qaadeynin. Dhaxalkii ummadda ayaa la doonayaa in la cuno.

Xatooyada ka sokow, arrinta iibka dhismayaasha Safaaradaha Soomaaliya waa mid indhaha loogu bajinayo guud ahaan ummadda Soomaaliyeed, gar ahaanna lagu curyaaminayo kuwa sida daacadnimada ku jirto ku howlan dib-u-soo-celinta qarannimada dalkooda.

Waa ayaan darro in dadkan sheegta DFKMG aysan badidooda daacad u ahayn dalkooda, diyaarna u yihiin in ay mar un la cararaan wixii gudaha ama dibedda ay ka heli karaan. Haddaba, Soomaalidu waxay Sheekh Shariif Sheekh Axmed ku aragtay dib-u-gurasho iyo is-rog-rogid badan, mana qabo in iyada iyo kuwa cirka ka soo dejiyay isaga iyo saaxiibaddiisuba siin doonaan fursad kale, haddii uusan dalka daacad u noqonin.

Waxaan u malaynayaa in haddii dalka daacad loo noqdo in wax-walbo suurta-gal noqon karaan, lagana maarmi karo socdaallada baryootanka ah, lagana adkaan karo wixii dalkan u diidayo inuu dego, dadkiisuna sharaf ku noolaadaan.

Xasan Maxamed Saciid (Gacaliye)

Soo-Dhowoow!

Hadafka goobtan saabcaarada ee XasanBurhaan waa maaweelinta Soomaalida ifka dacalladiisu ku wada daadsan iyo tebinta warar sugan oo ku saabsan Soomaaliya.

Dhanka kale, goobta XasanBurhaan waxaa lagu keydinayaa taariikhda ummadda Soomaaliyeed, iyadoo ah qoraal, maqal iyo muuqaalba.

Waxaa geyigenna xilliyadan dambe soo if-baxay dad Soomaaliyeed oo damacsan in taariikhda ummaddooda tir-tiraan, kuna beddelaan mid la been abuuray oo isku qasayso diinta iyo qabyaaladda. Waxaa haatan dalkenna ka socda, fulinta qorshahaas gurracan.

Goobta XasanBurhaan waxay ku dadaali doontaa sidii qorshahaas guuracan looga hortagi lahaa, dadkuna la dareensiiyo in Qarankooda iyo dadnimadooda u guntadaan.

Waxaan si diirran u soo dhoweynayaa qof kasto arrintaas ila wadaago oo diyaar u yahay inuu gacan ka geysto danta iyo wanaagga ummaddenna Soomaaliyeed.

Wadaadka waa in masjidkii ku noqdo.

Tuugga, waa in xabsigii lagu celiyo.

Ciidanka, waa in uu nabadda sugo, cadowga dalkuna ka difaaco.

Dowladda, waa in awooddii dalka gacanteeda ku soo laabato.

Soomaalinimada, waa in ay qabyaaladdu burburiso.

Waa in rajo, nolol iyo kalsoonidii wadnaha ummadda Soomaaliyeed dib loogu soo celiyo.

Iga guddoma nabad iyo dalkennii oo dhowaan mar kale gob noqdo.

Salaan diiran,

Xasan Maxamed Saciid “Gacaliye”

GOB TV & FILMS